Our Cartoons

ទោះបីជាក្រសួងបរិស្ថាន បានសន្យាជាមួយប្រជាពលរដ្ឋថា នឹងដាក់កោះកុងក្រៅជាឧទ្យានជាតិសមុទ្រក្នុងឆ្នាំ២០២១ក្តី ក៏ក្រសួងមួយនេះបានលេបសម្តីរបស់ខ្លួន មិនអើពើរអ្វីទាល់តែសោះ។ តើលោក លី យ៉ុងផាត់ ជាអ្នកណា ដែលអាចធ្វើឲ្យរដ្ឋមន្រ្តីក្រសួងបរិស្ថានចាស់ និងរដ្ឋមន្ត្រីថ្មីបោះចោលពាក្យសន្យារបស់ខ្លួនក្នុងការដាក់កោះកុងក្រៅជាឧទ្យានជាតិសមុទ្រក្នុងឆ្នាំ2021 ហើយមកហិតផោមរបស់លោកបែបនេះ?

See this cartoon on our FB page 

មកពីរដ្ឋបាលខេត្តកោះកុង មើលមិនឃើញផែនទី អនុក្រឹត្យ និងច្បាប់ ឬយ៉ាងណា ទើបបានជាទៅបង្កើតទីលានចាក់សំរាមនៅក្នុងតំបន់ដែនជម្រកសត្វព្រៃបែបនេះ?  ឬក៏មើលឃើញដែរ តែធ្វើមិនដឹង មិនខ្វល់ ? ឬមួយក៏រដ្ឋបាលខេត្តនេះ អសមត្ថភាពក្នុងការគ្រប់គ្រង ទុកដាក់សំរាម ?  កុំព្រោះតែពាក្យថា  «ព្រៃឈើតូចច្រឡឹងគួរឲ្យស្រលាញ់» ទើបឈូសឆាយ ដើម្បីវាតទីយកដីទៅចាក់សំរាមឲ្យសោះ ។

#សង្គ្រោះដែនជម្រកសត្វព្រៃពាមក្រសោប

#SavePeamKrosoapWildlifeSanctuary

See this cartoon on our FB page 

ចលនាមាតាធម្មជាតិ មានការសោកស្តាយជាខ្លាំងចំពោះការចាប់ខ្លួនប្រធានសមាគមនិស្សិតបញ្ញាវន្តខ្មែរ លោក កើត សារ៉ាយ ដែលជាអ្នកបម្រើការងារសង្គមដើម្បីលើកស្ទួយយុត្តិធម៌ សិទ្ធិមនុស្ស លទ្ធិប្រជាធិបតេយ្យ និងកិច្ចការពារបរិស្ថាន។ ការចាប់ខ្លួននេះធ្វើឡើងខុសនីតិវិធី ដោយអាជ្ញាធរពុំបានអានដីការចាប់ខ្លួនឱ្យបានចប់សព្វគ្រប់ និងគ្មានពត៌មានណាមួយបញ្ជាក់អំពីមូលហេតុ ឬបទចោទប្រកាន់លើរូបលោកទាល់តែសោះ។

ពួកយើងទាមទារឱ្យដោះលែង លោក កើត សារ៉ាយ ដើម្បីឱ្យលោកបានបម្រើការងារជាប្រយោជន៍ដល់ប្រជាជនខ្មែរបន្តទៀត!

#ដោះលែងលោកកើតសារ៉ាយ

#កងកម្លាំងបម្រើជាតិមិនមែនបម្រើបុគ្គលទេ!

See this cartoon on our FB page 

ទោះបីជាមានការមិនពេញចិត្តពីប្រជាជនខ្មែរយ៉ាងណាក្តី ក្រសួងពាក់ព័ន្ធនៅមិនទាន់ចាត់វិធានការការពារទឹកធ្លាក់រូងប្រចៀវនៅឡើយទេ។ ហេតុនេះ ទេសចរណ៍យើងដែលចង់ទៅលេងទឹកធ្លាក់នេះ មានតែទ្រាំរម៉ាស់សិនទៅ។ ធ្វើម៉េច បើស្រុកយើងមានអ្នកដឹកនាំក្រសួងល្អៗ សកម្មខាងបំផ្លាញធនធានធម្មជាតិ។ 

#ការពារតំបន់អេកូទេសចរណ៍ជីផាត

See this cartoon on our FB page 

វាមកវិញហើយ! 😲.                                                                                                                              

វាមកបំផ្លាញគ្មានសល់!

វាធ្វើឲ្យគ្រប់គ្នាខ្លាចរអា!

បងប្អូនមានដឹងទេ សាឡង់បូមខ្សាច់ធំៗកំពុងតែចាប់ផ្ដើមបូមខ្សាច់នៅក្នុងតំបន់រ៉ាមសារកោះកាពិឡើងវិញហើយ ។ កន្លងមកតំបន់នេះធ្លាប់ត្រូវបានបូមខ្សាច់ទៅលក់នៅក្រៅប្រទេសយ៉ាងច្រើនសន្ធឹកសន្ធាប់ ដែលធ្វើឲ្យធនធានធម្មជាតិនៅតំបន់នេះត្រូវរង្គោះរង្គើរ រលាយកោះបាត់អស់មួយចំនួន តើមូលហេតុអ្វីទើបការបូមខ្សាច់នេះត្រូវបានបើកដំណើរការឡើងវិញ?

See this cartoon on our FB page 

អភិវឌ្ឍន៍!!!

អភិវឌ្ឍន៍ ចាំបាច់បំផ្លាញកេរមរតកពីដូនតា?

អភិវឌ្ឍន៍ ចាំបាច់ត្រូវតែលុបបឹង?

អភិវឌ្ឍន៍ ចាំបាច់ដេញប្រជាជនសាមញ្ញចេញផ្តល់ដីឱ្យឧកញ៉ា?

អភិវឌ្ឍន៍ ចាំបាច់មានតែអ្នកមានអំណាច មានលុយ មានបក្សពួកទើបអាចបានដីអភិវឌ្ឍន៍?

អភិវឌ្ឍន៍ រហូតទឹកជន់លិចទីក្រុងជារឿងធម្មតា?

ចុះចំពោះបងប្អូន អភិវឌ្ឍន៍ មានន័យដូចម្ដេចដែរ? 

យើងត្រូវការការអភិវឌ្ឍដើម្បីទាំងអស់គ្នា!

#ស្រណោះបឹងស្រុកខ្មែរ

#សូមឱ្យចប់ត្រឹមជំនាន់យើង

See this cartoon on our FB page 

អន្តរជាតិ VS កម្ពុជា

គណៈកម្មការក្នុងការផ្តល់ពានរង្វាន់ Right Livelihood បានលើកឡើងថា ពានរង្វាន់ Right Livelihood ត្រូវបានផ្តល់ឱ្យចលនាមាតាធម្មជាតិសម្រាប់ “ភាពក្លាហាន និងភាពទាក់ទាញរបស់ពួកគេក្នុងការអភិរក្សបរិស្ថានធម្មជាតិនៅក្នុងបរិបទសង្គមមួយដែលលំហប្រជាធិបតេយ្យត្រូវបានរិតត្បិតក្នុងកម្រិតធ្ងន់ធ្ងរ”។

ព្រះរាជអាជ្ញាកម្ពុជាលោក ច្រឹង ខ្មៅបានលើកឡើងយ៉ាងខ្លីខ្លឹមថា “គ្មានភាពចាំបាច់+មិនអនុញ្ញាតឲ្យចេញក្រៅប្រទេស”។

តើមានអ្វីដែលបណ្ដាលឲ្យចិត្តគំនិតពីរខុសគ្នាផ្ទុយស្រឡះបែបនេះ?

ការមិនអនុញ្ញាតឲ្យពួកយើងទៅទទួលពានរង្វាន់បានបង្ហាញអំពីសម្រែកនៃការឈឺចាប់របស់ប្រជាពលរដ្ឋ និងសហគមន៍រងគ្រោះគ្រប់ជំនាន់ដោយសារការអភិវឌ្ឍដោយគ្មានតម្លាភាពក្រោមរូបមន្តអេកូទេសចរណ៍ធម្មជាតិបែបក្លែងក្លាយ។

ពួកយើងជាសកម្មជនធ្វើការងារការពារបរិស្ថាន តើធ្វើដើម្បីនរណា? 

ដើម្បីខ្លួនឯង  ✅

ដើម្បីគ្រួសារ ✅

ដើម្បីសង្គម   ✅

ពួកយើងមិនចង់ឲ្យខ្យល់ដង្ហើមក្មេងៗដែលកើតមកមិនដឹងអី ត្រូវរងគ្រោះដោយសារការដឹកនាំដែលចាត់ទុកការការពារសិទ្ធិមនុស្ស និងបរិស្ថានជាអំពើក្បត់ជាតិនោះទេ។ ក្មេងៗជំនាន់ក្រោយសក្តិសមនឹងទទួលបានជីវិតល្អប្រសើរជាងពួកយើង។ សូមកុំឲ្យពួកគេវេទនាទៀតអី។ ឲ្យវាចប់ត្រឹមជំនាន់យើងទៅ!

#letitendinourgeneration 

#JusticeForAll

See this cartoon on our FB page 

នំប៉័ង នំប៉័ង! នំប៉័ងលោកធំ នំប៉័ងឧកញ៉ា និងនំប៉័ងរដ្ឋមន្ត្រី! 🥖🥖

បើនំប៉័ងទាំងអស់សុទ្ធតែជាកម្មសិទ្ធអ្នកមាន តើពលរដ្ឋសាមញ្ញបាននំប៉័ងពីណាមកហូប?

#សូមឱ្យចប់ត្រឹមជំនាន់យើង

#បញ្ឈប់ការកាត់ឧទ្យានជាតិនានានៅកម្ពុជា

#ធនធានធម្មជាតិជាសម្បត្តិរួម

See this cartoon on our FB page 

ចង់កាត់ ឬចង់ពង្រីក ប៉ុន្ដែមិនបញ្ចេញព័ត៌មានលម្អិតឲ្យបានច្បាស់លាស់ពីឧទ្យានជាតិកម្ពុជា!!!

រៀនហើយ អានហើយ ដឹងហើយ ចំណែកច្បាប់ក៏ល្អឥតខ្ចោះ ប៉ុន្តែការពិតជាក់ស្ដែង តំបន់ការពារធម្មជាតិមួយចំនួននៅកម្ពុជា ត្រូវបានលក់ឲ្យក្រុមអ្នកមានលុយ អ្នកមានអំណាច បំផ្លាញខ្ទេចខ្ទីធនធានធម្មជាតិខ្មែរ ឈូសអស់ព្រៃឈើក្លាយជាវាលរហោឋាន។ 

បានប៉ុណ្ណឹង ហើយចង់បានប៉ុណ្ណាទៀត! បំផ្លាញប៉ុណ្ណឹងហើយ ចង់បំផ្លាញប៉ុណ្ណាទៀត! ពួកយើងមិនចង់បានអ្វីទៀតទេចង់ត្រឹមរក្សាធនធានធម្មជាតិដែលនៅសេសសល់ប៉ុណ្ណោះ។ 

ក្នុងឆ្នាំ២០២៣ ក្រសួងបរិស្ថាន សម្រុកចេញអនុក្រឹត្យកែប្រែតំបន់ការពារធម្មជាតិជាច្រើនកន្លែង មានទាំងបន្ថយ និងបន្ថែមទំហំ។ 

ចំពោះការបន្ថែមទំហំ ពួកយើងពិតជាត្រេកអរ និងគាំទ្រ ប៉ុន្តែគ្រាន់តែមិនដឹងថា យកដីព្រៃនៅកន្លែងណាមកបន្ថែម? បើព័ត៌មានពីការកាប់បំផ្លាញព្រៃឈើ មានស្ទើររាល់ថ្ងៃ តិចពង្រីកប៉ះចំដីពលរដ្ឋអ្នកស្រុកទៅ? 

ពួកយើងសូមសំណូមពរដាច់ខាតទៅកាន់ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថានជិតផ្លាស់តំណែង និងឯកឧត្ដម អ៊ាង សុផល្លែត ដែលមកកាន់តំណែងនេះជំនួសឆាប់ៗ សូមឲ្យគោរពស្មារតី មាត្រា៨ នៃច្បាប់ស្ដីតំបន់ការពារធម្មជាតិ។ ពួកយើងមានក្ដីបារម្ភពីហានិភ័យទៅលើធនធានធម្មជាតិ ចំពោះការបន្ថយទំហំដីចេញពីតំបន់ការពារធម្មជាតិនាពេលថ្មីៗនេះ ដែលគោលបំណងក្នុងអនុក្រឹត្យទាំងនោះហាក់មានន័យទូលំទូលាយពេក និងគ្មានតម្លាភាព។

#savenationalpark

#បញ្ឈប់ការកាត់ឧទ្យានជាតិនានានៅកម្ពុជា

See this cartoon on our FB page 

តើមានមូលហេតុអ្វីខ្លះនៅពីក្រោយការទទួលបានដីដ៏ច្រើនសន្ធឹកសន្ធាប់របស់ឧកញ៉ា ជឹង សុគន្ធារី ?

នៅក្នុងឆ្នាំ២០២២ រដ្ឋាភិបាលបានសម្រេចកាត់ដីដែលសម្បូរទៅដោយធនធានធម្មជាតិ សត្វព្រៃ ទៅឲ្យក្រុមហ៊ុន One More LTD របស់ឧកញ៉ា ជឹង សុគន្ធារី  ក្នុងនោះរួមមាន ៖ 

- ឧទ្យានជាតិគិរីរម្យ ២២១,៩៤ហិចតា ( ២៦ មិថុនា ២០២២ )

- ដែនជម្រកសត្វព្រៃភ្នំឱរ៉ាល់ ៦៤៩ហិចតា (២៦ កក្កដា ២០២២ )

- ដែនជម្រកសត្វព្រៃកែវសីម៉ា ៧០ហិចតា (១៦ កក្កដា ២០២២) 

- ឧទ្យានជាតិកែបក្នុងផ្ទៃដីចំនួន ២៩ហិចតា ( ២៥ វិច្ឆិកា ២០២២) 

យើងពិតជាមានការព្រួយបារម្ភថាការផ្ដល់សិទ្ធិគ្រប់គ្រងតំបន់ទាំងនេះអាចបង្កការគំរាមកំហែងចំពោះធនធានធម្មជាតិនិងសត្វព្រៃ ដូចករណីភ្នំតាម៉ៅជាឧទាហរណ៍ស្រាប់។  

បើទោះបីជាកន្លងមក មានការបង្ហាញក្ដីព្រួយបារម្ភ ពីសំណាក់ប្រជាពលរដ្ឋខ្មែរ យុវជន សកម្មជន ព្រមទាំងស្នើសុំក្រសួងបរិស្ថានបញ្ឈប់ការកាត់ឧទ្យានជាតិឱ្យឯកជន និងដកសិទ្ធិអភិវឌ្ឍន៍ពីក្រុមហ៊ុននេះក្ដី  ក៏ក្រសួងនៅមិនទាន់មានចំណាត់ការ និងដំណោះស្រាយតាមសេចក្ដីស្នើរបស់ប្រជាពលរដ្ឋស្របតាមរដ្ឋធម្មនុញ្ញនៃព្រះរាជាណាចក្រកម្ពុជាមាត្រា ៣៥ នៅឡើយទេ ក្រៅតែពីការចេញសេចក្ដីថ្លែងការណ៍ចោទប្រកាន់ក្រុមយុវជន។ 

ពួកយើងនៅតែបន្តធ្វើជាយុទ្ធនាការដើម្បីស្នើសុំបញ្ឈប់ការកាត់ដីឧទ្យានជាតិ និងដែនជម្រកសត្វព្រៃទៅឲ្យក្រុមហ៊ុនឯកជនអភិវឌ្ឍ ព្រមទាំងជម្រុញឱ្យរក្សាទុកធនធានទាំងនោះជាទ្រព្យសម្បត្តិសាធារណៈគ្រប់គ្រងដោយរដ្ឋវិញ។

#បញ្ឈប់ការកាត់ឧទ្យានជាតិនានានៅកម្ពុជា 

#SaveNationalPark

See this cartoon on our FB page